சிறுபான்மை இன மாணவ மாணவிகள் உதவித் தொகை பெற விண்ணப்பங்கள்

கடலூர் மாவட்டத்தில் 1-ம் வகுப்பு முதல் 10-ம் வகுப்பு வரை படிக்கும் சிறுபான்மை இன மாணவ, மாணவிகள் உதவித்தொகை பெற விண்ணப்பங்கள் வரவேற்கப்படுகிறது என்று மாவட்ட கலெக்டர் ராஜேந்திர ரத்னூ தெரிவித்துள்ளார்.
கடலூர் மாவட்ட கலெக்டர் ராஜேந்திர ரத்னூ வெளியிட்டுள்ள அறிக்கையில் கூறியிருப்பதாவது:-
கல்வி உதவித்தொகை
மத்திய மாநில அரசுகளின் நிதி உதவியுடன் வழங்கப்படும் பள்ளி படிப்பு கல்வி உதவித்தொகை தமிழ்நாட்டில் 1-ம் வகுப்பு முதல் 10-ம் வகுப்பு வரை படிக்கும் சிறுபான்மையினர் (முஸ்லிம், கிறிஸ்தவர், சீக்கியர் மற்றும் புத்தமதத்தினர்) மாணவ, மாணவிகளுக்கு 2008-2009 ம் ஆண்டிற்கான கல்வி உதவித்தொகை விண்ணப்பப்படிவங்கள் அனுப்ப வேண்டிய கடைசி நாள் வருகிற 30-ந்தேதி என்று மத்திய, மாநில அரசு தெரிவித்துள்ளது.
30-ந்தேதிக்குள்
எனவே உரிய விண்ணப்பங்களை சிறுபான்மையின மாணவ, மாணவிகள் தாங்கள் படிக்கும் கல்வி நிறுவனங்களுக்கு 30-ந்தேதிக்குள் அனைத்து ஆவணங்களுடன் விண்ணப்பிக்க வேண்டும். சம்மந்தப்பட்ட கல்வி நிறுவனங்கள் இந்த உதவித் தொகைக்காக பெறப்படும் விண்ணப்பங்களை பரிசீலித்து கல்வி உதவித்தொகை பற்றிய விவரங்களை [ www.minorityaffairs.gov.in www.tn.gov.in/bcmbcmw/doc என்ற இணைய தள முகவரியில் வெளியிடப்பட்டுள்ள கல்வி உதவித்தொகை பரிந்துரை செய்யும் படிவத்தில் அறிக்கையை தொகுத்து (குறுந்தகட்டுன்) 15-7-08 க்கும் சம்மந்தப்பட்ட மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலருக்கு (DBC & MWO) அறிக்கையை அனுப்ப வேண்டும்.
இவ்வாறு அந்த அறிக்கையில் மாவட்ட கலெக்டர் ராஜேந்திர ரத்னூ தெரிவித்துள்ளார்.
லால்பேட்டை இனைய தளம்
நன்றி தினத் தந்தி

சிறுபான்மை பள்ளி மாணவர்களுக்கு கல்வி உதவித் தொகை அரசு அறிவிப்பு

சிறுபான்மை பள்ளி மாணவர்களுக்கு கல்வி உதவித் தொகை

அரசு அறிவிப்பு
சிறுபான்மையினர் நலத்துறை மற்றும் தமிழ்நாடு சிறுபான்மையினர் பொருளா தார மேம்பாட்டுக் கழகத்தின் சார்பில் சிறுபான்மையினர் மாணவ மாணவியர் களுக்கு பள்ளிப்படிப்பு தொடர்பான கல்வி உதவித்தொகை அறிவிக்கப் பட்டுள்ளது.
தமிழக அரசுப் பள்ளிகள் மற்றும் அரசால் அங்கீகரிக்கப்பட்ட தனியார் பள்ளிகளில் 1ஆம் வகுப்பு முதல் 10ஆம் வகுப்பு வரை பயிலும் மத்திய அரசால் வெளியிடப்பட்ட சிறுபான்மை சமூகத்தைச் சார்ந்த மாணவ மாணவிகளுக்கு பள்ளிப்படிப்பு கல்வி உதவித்தொகை மத்திய மாநில அரசின் நிதியுதவியும் வழங்கப்பட உள்ளது. இத்திட்டத்தின் கீழ் தமிழ்நாட்டிற்கு 15340 சிறுபான்மையின மாணவ மாணவியர்க்கு நடப்பு 2008-2009 ஆம் ஆண்டுக்கு ஒதுக்கீடு நிர்ணயிக்கப்பட்டுள்ளது. இதன்படி தமிழ்நாட்டில் ஏழாயிரத்து முந்நூற்றி இருபது முஸ்லிம் மாணவர்களுக்கு வாய்ப்பு வழங்கப்பட உள்ளது.
இதற்கான தகுதிகள்:
மாணவ மாணவிகள் பள்ளி இறுதித் தேர்வில் 50 விழுக்காடு மதிப்பெண் களுக்கு குறையாமல் பெற்றிருத்தல் வேண்டும். முதல் வகுப்பு மாணவ மாணவியர்கள் வருமான வரம்பு இருத் தல் போதுமானது. பிற்ப்படுத்தப்பட்டோர் நலத்துறையின் மூலம் 2008 லி 2009 ஆம் ஆண்டில் கல்வி உதவித் தொகை பெற்றிருக்கக் கூடாது. இந்த ஒதுக்கீட்டில் 30 விழுக்காடு மாணவியர்களுக்கு வழங்கப்படும். போதுமான மாணவியர்கள் இல்லாத பட்சத்தில் மாணவர்களுக்கு கல்வி உதவித்தொகை வழங்கப்படும். குடும்பத்தில் இரண்டுக்கும் மேற்பட்டவர் களுக்கு வழங்க இயலாது. குறைந்த வருமானம் உள்ளவர்களுக்கு முன்னு ரிமை வழங்கப்படும். மாணவ மாணவியர் களின் வருகை சீராக இருக்க வேண்டும். பெற்றோர் ஆண்டு வருமானம் ஒரு லட்சத்திற்கும் மிகாமல் இருக்க வேண்டும் இது தொடர்பாக வருமான சான்று ரூ.10 மதிப்புள்ள நீதிமன்ற சாரா முத்திரைத் தாளில் இணைய தளத்தில் உள்ள மாதிரி படிவத்தின் படி ஆச்ச்ண்க்ஹஸ்ண்ற் பூர்த்தி செய்து கையொப்பமிட்டு சமர்ப்பிக்கப்பட வேண்டும்.
இக்கல்வி உதவித் தொகையில் சேர்க்கை, கற்பிப்பு மற்றும் பராமரிப்புக் கட்டணங்களில் உள்ளபடியான தொகை அல்லது உதவித் தொகை, இதில் எது குறைவானதோ அது வழங்கப்படும் இதன் படி 6ம் வகுப்பு முதல் 10ம் வகுப்பு வரைக்கான சேர்க்கை கட்டணம் விடுதியில் தங்கி படிப்பவர், விடுதியில் தங்காது படிப்பவர் என இரு பிரிவினருக் கும் தலா ரூ.500 மட்டும் வழங்கப்படும். 6ம் வகுப்பு முதல் 10ம் வகுப்பு வரைக்கான கற்பிப்பு கட்டணம் அதிகப்பட்சமாக ஒரு மாதத்திற்கு ரூ.350 மட்டும் வழங்கப்படும்.
பராமரிப்புக் கட்டணமாக 10 மாதங்கள் மட்டும் ஒன்றாம் வகுப்பு முதல் 5ம் வகுப்பு வரை, 6ஆம் வகுப்பு முதல் 10ஆம் வகுப்பு வரை பயிலும் மாணவர் களுக்கு விடுதியில் தங்கி பயில்பவருக்கு 10 மாதங்களுக்கு, மாதத்திற்கு ரூ. 600 வழங்கப்படும். விடுதியில் தங்காது பயில்பவருக்கு 10 மாதங்களுக்கும் ரூ.100 வீதம் மாதம் தோறும் வழங்கப்படும். இதற்கான பூர்த்தி செய்யப்பட்ட விண்ணப்பப் படிவத்தை அனைத்து ஆவணங்களுடன் சம்பந்தப்பட்ட பள்ளி தலைமையாசிரியரிடம் 30.06.2008க்குள் சமர்ப்பிக்கப்பட வேண்டும். விண்ணப் படிவம் www.minority affairs.gov.in இணைய தளத்தில் பதிவிறக்கம் செய்து கொள்ளலாம்.
http://www.tmmk.in/
This post was submitted by முதுவை ஹிதாயத்.

நன்றி: சற்றுமுன்